lunes. 06.04.2020 |
El tiempo
lunes. 06.04.2020
El tiempo

Outra sentenza en Pontevedra cuestiona as marxes dos radares da DXT

Radar fixo nunha estrada galega. PEPE TEJERO
Radar fixo nunha estrada galega. PEPE TEJERO

O fallo rebaixa a multa a unha condutora e obriga a Tráfico a asumir as costas do xuízo

Unha nova sentenza ditada por un xulgado pontevedrés pon en dúbida de novo o funcionamento dos radares de Tráfico. Se a principios de mes transcendeu que < href="https://www.diariodepontevedra.es/articulo/pontevedra/xuíz-ordena-dgt-devolver-puntos-diñeiro-multa-pontevedres/201902051855411021122.html" target="_blank">un veciño de Pontevedra devolvíanlle o importe da multa e os puntos por non aplicarlle a marxe de erro do cinemómetro, esta vez é outro fallo dun xuíz da Boa Vila o que engade un novo factor: a DXT debe facerse cargo das costas do xuízo.

Unha condutora foi multada con 300 euros e a retirada de dous puntos do carné por circular a 91 quilómetros por hora nun tramo limitado a 60. Tras porse en mans do avogado Javier López Romeu, o xulgado do Contencioso-Administrativo 3 de Pontevedra fíxose cargo do caso e emitiu un fallo no que, como xa ocorreu noutras sentenzas recentes, modificaba a sanción imposta pola DXT ao entender que non aplicou o índice de erro do radar. 

Neste caso obrigou a Tráfico a devolverlle á condutora 200 euros (deixou a multa en 100 euros) e a revogar a retirada de puntos, ademais de facerse cargo das costas do proceso.

Outra sentenza en Pontevedra cuestiona as marxes dos radares da DXT
Comentarios