Dúas persoas resultaron feridas este mércores logo de producirse un accidente no que tres vehículos se viron implicados. No momento da colisión, os turismos circulaban pola N-525, á altura do punto quilométrico 227, no Mesón de Calvos, en Taboadela (Ourense), informa o 112.
Aproximadamente ás oito desta mañá, varios particulares puxeron en alerta o 112 Galicia. Ademais de indicar que eran necesarios os medios sanitarios, aseguraron que os coches interrompían a circulación.
Ata o lugar desprazáronse Urxencias Sanitarias de Galicia-061, a Garda Civil de Tráfico, os Bombeiros de San Cibrao e os membros do GES de Pereiro de Aguiar, tras ser alertados polo 112 Galicia.
Así mesmo, os xestores deste servizo puxeron os feitos en coñecemento do persoal de mantemento da estrada.
