A situación meteorolóxica en Galicia quedará marcada por unha situación intermedia entre altas e baixas presións, de forma que unha fronte pouco activa achegarase desde o noroeste nas horas centrais deste xoves.
Desta forma, o ceo presentará moitas nubes na metade oeste, onde poderán producirse algunhas choivas débiles a partir do mediodía.
No leste, os ceos estarán máis abertos ao principio, cubríndose progresivamente co avance das horas. As temperaturas non terán cambios significativos, con lixeiros ascensos das máximas no leste.
Os ventos soprarán de compoñente sur, moderados no litoral e máis frouxos no interior.
Temperaturas extremas
A Coruña 15° 21°, Ferrol 13° 20°, Lugo 9° 21°, Ourense 12° 25°, Pontevedra 14° 23°, Santiago de Compostela 13° 17° e Vigo 14° 21°
