domingo. 19.09.2021 |
El tiempo
domingo. 19.09.2021
El tiempo

A Xunta pide xestionar "de forma autónoma" o fondo para as comunidades

Alberto Núñez Feijóo, durante a videoconferencia co presidente do Goberno, Pedro Sánchez. EFE
Alberto Núñez Feijóo, durante a videoconferencia co presidente do Goberno, Pedro Sánchez. EFE
Feijóo cre que a cantidade consignada para Galicia aínda "está moi afastada" da "que lle corresponde por poboación protexida" fronte ao coronavirus

O presidente da Xunta, Alberto Núñez Feijóo, dixo que o seu Goberno "non comparte" a fórmula de repartición do fondo de 16.000 millóns non reembolsable porque considera que "penaliza ás comunidades autónomas que xestionaron mellor a pandemia" da Covid-19 e pediu xestionar a contía "de forma autónoma". 

A pesar de que valorou que "algunhas cousas" reclamadas desde Galicia "si se están tendo en conta", cre que a cantidade consignada para a Xunta aínda "está moi afastada" da "que lle corresponde por poboación protexida" fronte ao coronavirus. 

Así o explicou Feijóo durante a rolda de prensa posterior á videoconferencia de líderes autonómicos co presidente do Goberno, Pedro Sánchez, quen lles trasladou algúns cambios nos criterios de repartición do fondo, de modo que a poboación de cada comunidade terá agora máis peso. 

En concreto, o presidente comunicoulles que 9.000 millóns destinaríanse a gastos sanitarios; 2.000 millóns para un fondo de Educación; e outros 5.000 millóns serían para compensar a caída de ingresos derivada do parón económico. Pero destes últimos, 800 millóns irían compensar a diminución da facturación dos servizos de transporte, como metro, proximidades ou autobuses interurbanos. 

Tras coñecer estas modificacións, Feijóo criticou que "desaparece todo o diñeiro destinado a políticas sociais", do que se serviu para reclamar que cada territorio "poida ter a posibilidade de executalo de forma autónoma, xa sexa en educación, en sanidade ou en servizos sociais". 

"É un fondo incondicionado e pedimos que a xestión do mesmo tamén sexa incondicionada no ámbito dos servizos públicos", subliñou.

No entanto, insistiu en que a Xunta "non comparte" a fórmula para a repartición porque considera que "penaliza" a aquelas autonomías "que xestionaron mellor a pandemia". 

Neste sentido, explicou que só se financian as persoas ingresadas en hospitais e en Uci", polo que no caso de Galicia "quedan fóra as miles de persoas" diagnosticadas con Covid-19 que foron atendidas nos seus domicilios e "as 350 camas" das residencias de anciáns que foron medicalizadas. 

A pesar destas críticas, si recoñeceu que "algunhas cousas si se están tendo en conta": "De momento estamos mal. Un pouco menos mal que hai semanas, é certo, pero seguimos sen a proporcionalidade que nos corresponde".

A Xunta pide xestionar "de forma autónoma" o fondo para as...
Comentarios