Imprimir

Adolfo Domínguez renova o seu consello e nomea a Maite Aranzábal vicepresidenta 

Efe | 24 de julio de 2020

Maite Aranzábal, Antonio Puente, Adriana Domínguez e Adolfo Domínguez. M. RIOPA
Maite Aranzábal, Antonio Puente, Adriana Domínguez e Adolfo Domínguez. M. RIOPA
O consello conta cun 57% de composición feminina

O consello de administración de Adolfo Domínguez acordou nomear á conselleira independente Maite Aranzábal como nova vicepresidenta e conselleira coordinadora, segundo informou a compañía á Comisión Nacional do Mercado de Valores (CNMV). 

Desta forma, o máximo órgano de xestión da compañía reduce de oito a sete os seus membros, con Adriana Domínguez como presidenta executiva e Maite Aranzábal, que pertence como independente ao consello de administración do grupo Adolfo Domínguez desde 2017, como vicepresidenta e conselleira coordinadora. 

O consello conta cun 57% de composición feminina. Tres dos conselleiros son independentes, tres dominicais e unha conselleira executiva. 

Pola súa banda, o conselleiro independente José Luís Temes foi nomeado presidente da comisión de Auditoría, na que se incorpora desde este venres Maite Aranzábal, quen preside a comisión de Nomeamentos e Retribucións. 

Pola súa banda, a conselleira dominical Valeria Domínguez entra a formar parte da comisión de Nomeamentos e Retribucións. 

A renovación prodúcese ao concluír o mandato de catro anos do catedrático de Economía Luís Caramés, quen exerceu neste tempo como vicepresidente e protagonizado "moi activamente" o proceso de transformación e renovación da compañía desde 2016, segundo explica a firma. 

Tras os cambios dos órganos de xestión do grupo desde 2016, a compañía avanza na senda da rendibilidade e encadea dous exercicios consecutivos con resultado operativo positivo e un crecemento das vendas comparables do 30% en catro anos. 

Adolfo Domínguez emprega a 1.209 profesionais e conta con 390 puntos de venda en 22 países cunha facturación anual de 115 millóns de euros no seu último exercicio completo (2019-2020). 

Puede ver este artículo en la siguitente dirección /articulo/economia/adolfo-dominguez-renova-seu-consello-nomea-maite-aranzabal-vicepresidenta/20200724103723082089.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)