Un membro do Parque Municipal de Bombeiros de Pontevedra resultou ferido grave tras caer ao baleiro desde unha altura de seis metros mentres realizaba uns exercicios de adestramento no as instalacións de Domingo Fontán.
O bombeiro levaba arnés pero, ao parecer, non o tiña ancorado á liña de vida, caendo desde unha pasarela que se emprega para practicar rescates en altura.
Con varias costelas rotas e un cóbado esnaquizado, o funcionario está estable dentro da gravidade, segundo o diagnóstico inicial.
