Imprimir

Denuncian que unha discoteca da Coruña lle vetou a entrada a un mozo negro

Europa Press | 11 de marzo de 2019

El Playa Club de A Coruña. GOOGLE MAPS
El Playa Club de A Coruña. GOOGLE MAPS

"Non será racismo, verdade?", preguntábase o proxenitor nas redes

O Concello da Coruña deu trasladado á Policía Local da denuncia pública feita por un pai a través das redes sociais para aclarar se houbo ou non un caso de discriminación por razón de raza nun local de lecer da cidade, a Playa Club, a pasada fin de semana. 

Así o confirmou a concelleira de Igualdade e Diversidade e responsable da área de Seguridade Cidadá, Rocío Fraga, despois de que un pai fixese público o domingo que ao seu fillo, nacido en África, e se lle impediu a entrada nun local de lecer da cidade. 

En concreto, na súa conta de Twitter, o pai explicou que no citado local se lle permite o acceso "a todos os seus amigos, menos a el por unhas novas normas sobre algún tipo de persoas". "Non será racismo, verdade?", preguntábase o proxenitor, que explica que os amigos do seu fillo se negaron a entrar e deron aviso á Policía Local. 

A preguntas dos xornalistas sobre este caso, Rocío Fraga confirmou que o pai se puxo en contacto con ela este domingo e que lle explicou que "se lle comunicou ao mozo, para impedirlle o acceso, que había novas normas". 

Rocío Fraga explicou que se puxeron a disposición da familia e que se deu tamén desde o consistorio traslado deste asunto á Policía Local para facer "as xestións pertinentes" co obxectivo de aclarar o sucedido. "A familia quere unhas desculpas públicas", manifestou a edil, que confirmou que, por parte do concello, farase un "seguimento". 

Respecto diso, ratificou que, noutros casos, si recibiron denuncias por racismo nalgúns locais de lecer da cidade, a través do Observatorio de Racismo e Xenofobia que teñen constituído, pero sinalou que, neste caso concreto, están á espera de poder falar tamén cos responsables do establecemento.

Puede ver este artículo en la siguitente dirección /articulo/galicia/denuncian-discoteca-da-coruna-lle-vetou-entrada-mozo-ser-negro/20190311145902054533.html


© 2021 Galiciae

Fernando de Casa Novoa, 37 B 2ºC Santiago de Compostela

Tlfno: 981 55 25 30

(Grupo El Progreso)