Imprimir

Paralizan a demolición da pirotecnia de Tui tras aparecer explosivos ocultos

Europa Press | 13 de diciembre de 2018

Zona Cero da explosión do almacén ilegal de material pirotécnico en Tui. SALVADOR SAS (EFE)
Zona Cero da explosión do almacén ilegal de material pirotécnico en Tui. SALVADOR SAS (EFE)

O material estaba baixo uns taboleiros nun alpendre

 A demolición das instalacións da empresa La Gallega, na parroquia de Baldráns, en Tui, quedou paralizada pouco despois de iniciarse, debido á aparición de explosivos ocultos baixo uns taboleiros nun alpendre, segundo confirmou a Europa Press o alcalde desta localidade, Carlos Vázquez Padín. 

O rexedor tudense confirmou a orde de paralizar os traballos á empresa, despois de que esta notificase a aparición de certa cantidade de material pirotécnico, elaborado e semielaborado, oculto tras uns taboleiros nun alpendre que era usado para aparcar furgonetas. 

O achado deste material que, segundo o alcalde podería ter bastantes anos de antigüidade, foi notificado á Garda Civil, e Vázquez Padín sinalou que os traballos de derriba das 25 casetas da pirotecnia non se renovarán ata que os TEDAX certifiquen plenamente a seguridade. 

Por outra banda, fontes da Garda Civil confirmaron a Europa Press que os explosivos e o material atopado nesa especie de dobre fondo xa foron retirados aínda que, polo momento, non transcendeu a cantidade da que se trata. 

Os traballos de demolición en La Gallega iniciáronse este mércores, en cumprimento dunha sentenza do contencioso administrativo de Pontevedra, que obriga ao Concello de Tui á derriba e cesamento de actividade desa empresa, cuxo responsable está a ser investigado pola explosión dun almacén ilegal de material pirotécnico o pasado mes de maio na parroquia de Paramos (que causou a morte a un matrimonio). 

Puede ver este artículo en la siguitente dirección /articulo/galicia/paralizan-demolicion-da-pirotecnia-tui-aparicion-mais-explosivos-ocultos/20181213200828048488.html


© 2019 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)