O presidente de Vox, Santiago Abascal, anunciou este luns que "o próximo Vistalegre" do partido terá lugar en Cataluña, "na terra onde algúns pensan que non temos nada que dicir". Nun debate organizado polo diario La Razón, Abascal, que se autoproclamou "o gran vencedor" das eleccións do 28 de abril, referiuse así ao multitudinario acto que a súa formación celebrou na madrileña praza de touros o pasado mes de outubro e augurou que en breve se repetirá en Cataluña.
Abascal tamén se dirixiu a quen pensan que Vox é un partido radical e asegurou que o seu obxectivo é sacar á palestra "os debates prohibidos" porque para Vox "non hai territorios vedados". Así, incidiu en que teñen grandes expectativas "en sitios como Barcelona ou San Sebastián".
