Pedro Barthe, un asturiano que se aprestaba a atravesar en coche a ponte de Xénova que se derrubou, con mais de 35 mortos, declarou: "Librámonos de milagre".
O español asegurou que, tanto el como o seu curmán, co que viaxaba, libráronse "de milagre" de verse afectados polo afundimento e que quedaron bloqueados a menos dun quilómetro do punto de colapso. Barthe, que ía camiño do aeroporto, asegurou, en declaracións ao diario de Xixón El Comercio, que "volveron nacer", pola proximidade do seu vehículo ao momento do sinistro, que provocou a caída ao baleiro de decenas de coches e camións.
Tras o derrube, que se produciu ao redor das 12.00 locais (10.00 GMT), cando un tramo da ponte Morandi, de 1.182 metros de lonxitude e unha altura de 45 metros, 90 desde as torres de soporte da estrutura, Barthe explicou que a situación era "moi caótica" e que non paraban de pasar "ambulancia e camións de bombeiros".
O accidente saldouse xa coa vida de polo menos 35 persoas e 13 feridos graves foron trasladados a hospitais próximos, segundo os medios italianos.