Os consumidores deberán pagar a partir deste domingo por cada bolsa de plástico de reciban, incluídas as máis pequenas e lixeiras, algo xa xeneralizado en España para as bolsas de plástico máis grandes.
O Goberno aprobou o pasado 18 de maio un decreto que pon fin ás bolsas de plástico lixeiras que aínda se entregan de forma gratuíta en numerosos comercios, un envase moi daniño desde o punto de vista ambiental pola súa baixa reutilización e porque se dispersan como lixo facilmente debido ao seu reducido peso.
Trátase dunha medida transitoria, porque no ano 2021 estas nbsp;bolsas& (as lixeiras) estarán completamente prohibidas, salvo que estean fabricadas con material compostable.
As bolsas de plástico clasifícanse, segundo o seu peso, en tres grandes categorías: as moi lixeiras (menos de 15 micras), que se utilizan para produtos de hixiene, frescos ou a granel, como froitas, carne ou peixe; as lixeiras (menos de 50 micras), que se entregan de forma gratuíta en moitos comercios; e as grosas (máis de 50 micras), polas que os comercios cobran unha pequena cantidade e que se adoitan reutilizar.
O decreto establece que a partir deste domingo cobraranse todas as bolsas, pero exceptúa as moi lixeiras e as grosas recicladas, aínda que a partir de 2021 estas nbsp;bolsas& (as lixeiras e as moi lixeiras) tamén estarán prohibidas, salvo que sexan compostables (degrádase nun tempo baixo certas condicións).
