O Congreso dos Deputados aprobou este xoves, cos votos a favor de todos os grupos parlamentarios salvo a abstención do PP e Ciudadanos, o decreto de modificación da Lei de Memoria Histórica que permitirá exhumar os restos de Franco do Val dos Caídos.
En defensa do decreto, a vicepresidenta do Goberno, Carmen Calvo, alertou de que "non haberá paz sen xustiza" mentres se manteña a "atroz anomalía" que supón que o ditador estea enterrado xunto ás súas vítimas, á vez que criticou a PP e Ciudadanos por porse "de perfil" fronte á ditadura.
Do outro lado, PP e Ciudadanos criticaron que a exhumación de Franco se faga por decreto cando non está xustificada a súa urxencia 43 anos despois da súa morte e acusaron ao presidente do Goberno, Pedro Sánchez, de utilizar este asunto como "unha cortina de fume" para tapar a súa incompetencia e a súa debilidade.
