Axentes da Policía Foral de Navarra denunciaron na localidade de Villafranca unha muller de 80 anos que estaba "gardándolle o speed" á súa neta.
O asombro dos axentes foi tal, que decidiron compartir a noticia en Twitter xunto á mensaxe "esta profesión é admirable, sempre hai algo máis...".
Os axentes atoparon este martes á muller andando e preguntáronlle que estaba a facer na rúa en pleno confinamento. "Estou aquí, gardándolle o speed á miña neta", respondeu a octoxenaria.
Os efectivos realizaron un rexistro e atoparon tres bolsas da sustancia estupefaciente nos petos da muller, que comezou a increpalos. Segundo consta nunha das denuncias, a octoxenaria levantou a súa saia, "deixando as súas partes íntimas ao descuberto", e díxolles aos axentes: "Toma, mira aquí tamén se queres".
Por estes feitos, a muller foi denunciada por un delito contra a saúde pública, por actos obscenos e por mobilidade ilegal, ao violar o confinamento obrigatorio.
