A Garda Civil detivo este domingo en Lanzarote ao marido de Romina Celeste Núñez, a moza paraguaia da que non se teñen noticias desde Noitevella, segundo informou a Comandancia das Palmas.
A Garda Civil asegura que os seus axentes en Lanzarote atoparon "indicios razoablemente suficientes" para responsabilizar da desaparición ao esposo da moza, un cidadán español residente na illa.
A investigación, non obstante, continúa, porque a muller, de 25 anos, aínda non foi localizada e aínda non se inspeccionou o domicilio onde residía.
🆘 DESAPARECIDA#Desaparecidos #sosdesaparecidos #Missing #España #Teguise #Lanzarote pic.twitter.com/PxJpFME8Ao
— 🆘 ALERTA DESAPARECIDO (@sosdesaparecido) 12 de xaneiro de 2019
O detido pasará a disposición do xulgado de garda en Arrecife nun prazo de 72 horas
Romina Celeste Núñez, de 25 anos, desapareceu o 1 de xaneiro, pero o seu esposo non o denunciou ata pasada unha semana.
Nese momento, alegou que non acudira antes ás forzas de seguridade porque non era a primeira vez que a súa esposa cortaba todo contacto con el tras unha discusión.