Un alumno de 14 anos dun instituto de Mutxamel (Alacante) foi ingresado este venres pola mañá nun centro hospitalario por un intento de suicidio motivado, ao parecer, por ser vítima de acoso escolar (bullying). Fontes da investigación sinalaron a Efe que, en principio, non periga a vida deste estudante de segundo curso da ESO do IES Mutxamel, xa que presenta feridas consideradas superficiais.
Os pais denunciaran hai varios meses un suposto acosador, tamén alumno menor de idade do mesmo instituto, e sobre este estudante había en vigor unha orde de afastamento de 50 metros.
A Garda Civil fíxose cargo da investigación deste caso, sobre o que non transcenderon máis detalles.
