Vox irrompeu no Parlamento Andaluz con 12 deputados encabezados polo xuíz sevillano en excedencia, Francisco Serrano, candidato á presidencia da Xunta de Andalucía.
Os doce deputados foron elixidos nas oito provincias: dous en Sevilla, Málaga, Cádiz e Almería; e un en Córdoba, Granada, Xaén e Huelva.
Francisco Serrano -candidato á Presidencia da Xunta-, de 53 anos, coñecido en Sevilla como "o xuíz Serrano", exerce de avogado nun bufete de especializado en dereito de familia. En 2014 afiliouse a VOX e foi o único candidato que se presentou ás primarias para as eleccións autonómicas en Andalucía de 2015.
El feminismo radical de izquierda lo forman lesbianas violentas y resentidas misándricas, que se llevan el dinero público. Y el PP traga
— Francisco Serrano (@FSerranoCastro) 7 de novembro de 2015
Serrano foi condenado en 2011 polo Tribunal Superior de Xustiza de Andalucía (TSJA) por modificar a quenda de custodia dun menor para que saíse nunha confraría da Semana Santa de Sevilla.
O Tribunal Supremo revisou a primeira condena e endureceu a pena, e o Constitucional, máis tarde, amparou o ex xuíz de familia de Sevilla e anulou a condena do Supremo, aínda que fixo firme a sentenza do Tribunal Andaluz. En 2017 o Tribunal Supremo rehabilitouno como xuíz e agora está en excedencia.
Serrano tamén é coñecido por ser azoute do feminismo e diso fai en gala en moitos dos seus tuits. E tamén nas súas controvertidas sentenzas. Sempre dixo sentirse vítima da lei de violencia de xénero que impulsou o Goberno de Zapatero e cando ten ocasión defende con vehemencia a existencia de denuncias falsas nesta materia.
En campaña, Vox non só buscou no celeiro de votos do machismo. Tamén apelou á xenofobia sen ningún pudor. Unha mostra diso é o vídeo co que arrincaron a campaña, con Santiago Abascal, líder do partido en España, montando dacabalo e baixo a lema 'A Reconquista comezará en terras andaluzas'.