A Xunta Electoral Central decidiu excluír a Carles Puigdemont, Toni Comín e Clara Ponsatí da candidatura europea de Junts para as eleccións europeas ao estar procesados en rebeldía na causa do proceso independentista.
O organismo arbitral atende así os recursos que o PP e Ciudadanos presentaran para que non se dea vía libre á candidatura de Junts para as eleccións europeas do próximo 26 de maio ao estar encabezada por tres persoas procesadas polo Tribunal Supremo: Carles Puigdemont, Toni Comín (ambos os afincados en Bélxica) e Clara Ponsatí, residente no Reino Unido.
Ao ser unhas eleccións de ámbito estatal onde rexe a circunscrición única, a JEC é o organismo de supervisar o proceso electoral e a pasada semana xa deu viu libre á coalición Junts, formada por Junts per Catalunya e as súas marcas precedentes do PDeCAT e a antiga Convergència (CDC).
