A Xunta inaugurou nas torres Hejduk da Cidade da Cultura unha nova intervención artística que a converte nun faro xacobeo, baixo o título En terra firme.
A iniciativa busca mergullar aos visitantes nunha experiencia que alude á propia luz dos faros da costa galega, como guía e meta da travesía vital, nunha alegoría do Camiño de Santiago como experiencia de transformación persoal.
Esta proposta creativa de Ana Núñez Rodríguez e Sebastián Sandoval Quimbayo resultou gañadora do VIII Concurso de Intervencións Artísticas nas Torres Hejduk, convocado en 2020 entre os e as participantes do X Encontro de Artistas Novos Cidade da Cultura (EAN10).
O certame, que conta coa colaboración da Fundación Banco Sabadell, está enmarcado na programación do Xacobeo 21-22 e ten como eixo o Camiño de Santiago, profundando na relación entre a Cidade da Cultura, a cidade de Compostela e o propio camiño xacobeo.
No acto de inauguración, o secretario xeral de Cultura, Anxo Lorenzo