Antonia Guzmán, a avoa do actor e director de cine Daniel Guzmán e protagonista da súa ópera prima como realizador, A cambio de nada, faleceu este luns aos 96 anos, segundo informa a Academia de Cine.
A película, que se estreou no ano 2015, foi a súa primeira participación no cine —con 93 anos—, na que interpreta a unha anciá que recolle mobles abandonados e que se converte nunha especie de familia para o personaxe de Miguel Herrán, o protagonista da cinta.
Por este papel Antonia Guzmán foi nominada a mellor actriz revelación nos premios Goya, converténdose na intérprete máis lonxeva en ser nomeada nesta categoría, que finalmente gañou Irene Escolar por Un otoño sin Berlín.
Ademais, A cambio de nada alzouse coa Biznaga de Ouro no Festival de Málaga e con outros dous premios Goya nas categorías de mellor director novel para Daniel Guzmán e ao mellor actor revelación para Miguel Herrán.
