O Spacio Scala de Boffi e Auga de Parada da coruñesa rúa San Andrés acolle unha nova intervención da artista Tatiana Medal centrada na creación de novos espazos a través das escaleiras.
A artista coruñesa mostra nesta exposición, aberta ao público desde este venres no céntrico showroom, escaleiras ficticias que modifican a percepción do espazo. A idea, explica, "é xogar coa luz que entra pola claraboia do edificio para deixar o seu rexistro sobre a parede".