A cerimonia de entrega dos Premios Oscar en Los Ángeles deixou o pasado domingo grandes looks na alfombra vermella, o triunfo de Parasitos e os grandes discursos de Laura Dern e Joaquin Phoenix, ademais de moitos memes e bo momentos. Dous días despois, aínda son millóns os comentarios que se xeran constantemente sobre o ocorrido esa noite. Unha das maiores críticas que os usuarios están a facer á gala é a ausencia de grandes actores no tributo que se fai anualmente aos falecidos do mundo do cine.
Nesta edición, Steven Spielberg presentou In memoriam (En memoria), como é chamado o tributo, mentres que Billie Eilish cantou unha preciosa versión de Yesterday. Puidemos ver no especial momento rostros como os de Kobe Bryant, Robert Foster, Fernando Lujan, Peter Mayhew, Godfrey Gao, Bibi Andersson, Doris Day, Peter Fonda e Kirk Douglas, pero tamén houbo grandes ausencias. Luke Perry, quen ademais de participar en Érase una vez en Hollywood contaba con máis de trinta películas no seu currículo, foi a gran ausencia do tributo e o nome máis comentado en redes sociais.
Pero non foi o único. O actor Jan-Michael Vincent, nomeado a un Globo de ouro, ou o actor Michael J. Pollard, nomeado aos propios Oscars na categoría a Mellor actor tamén foron esquecidos.
O mesmo pasou con actrices como Valentina Cortese e Sue Lyon, e incluso se mencionou a ausencia de Cameron Boyce, cuxa morte impactou este verán ao mundo. Algunhas das queixas apuntan a que Kobe Bryant foi o encargado de abrir o tributo debido ao Oscar que gañou en 2018 pola súa curtametraxe Dear Basketball, sendo a súa única achega ao mundo do cine, mentres que outras moitas estrelas que dedicaron toda a súa vida á actuación, como Luke Perry, quedaron fóra deste pequeno tributo.
Ante as críticas, a Academia fixo público un comunicado no que explica como se escollen os rostros que aparecen en In memoriam: "A Academia recibe centos de solicitudes para incluír seres queridos e colegas da industria no segmento dos Oscar In memoriam. Un comité executivo, que representa a todas as sucursais, considera a lista e realiza a selección para a transmisión por televisión en función do tempo dispoñible, que é limitado. Todos os falecidos do mundo do cine que foron propostos para o memorial están incluídos en Oscar.com e permanecerán no sitio durante todo o ano
