O centrocampista franco-marroquí Sofiane Boufale, cuarta fichaxe do Celta de Vigo para a tempada 2018-2019, sufriu unha escordadura no nocello esquerdo durante o adestramento deste mércores nas instalacións deportivas da Madroa.
Tras a sesión, os médicos do Celta informaron que valorarán a súa evolución para establecer o período de baixa do exfutbolista do Southampton, que cumpría o seu segundo día ás ordes de Antonio Mohamed.
A boa noticia para o técnico arxentino é que o internacional turco Emre Mor xa recibiu a alta médica tras superar a elongación muscular que sufrira no primeiro amigable da pretemporada contra o Córdoba.
FONTÁS NON XOGARÁ CONTRA O BARÇA. Mohamed deixou fóra da convocatoria para o amigable contra a Braga ao defensa Andreu Fontás, que negocia co club a rescisión do seu contrato, o cal finaliza en xuño de 2019.
O central xa non disputou o primeiro amigable da pretemporada contra o Córdoba, e nos adestramentos semanais tampouco participou nos partidos que organizou o corpo técnico, que non conta con el para a tempada 2018-19.
Ademais de Fontás, non viaxarán a Portugal os mundialistas Iago Aspas e Pione, os lesionados Rubén Blanco e Boufal e o mediocentro serbio Nemanja Radoja, que se incorporou máis tarde aos adestramentos con permiso do club.
