Ao seleccionador croata Zlatko Dalic non lle amornou o pulso cun dos seus xogadores, Nikola Kalinic, ao que expulsou da concentración do equipo en Rusia pola súa mala conduta durante o encontro ante Nixeria.
Segundo puido saberse este luns, o dianteiro do Milan –e pretendido polo Sevilla– negouse a saír ao campo no minuto 85 do partido inaugural da súa selección alegando unhas molestias nas súas costas, algo que non terminou de convencer ao seleccionador.
O encontro, disputado o sábado, xa ía 2-0 para o combinado croata e a Kalinic debeu de parecerlle pouco interesante xogar os chamados minutos do lixo, e preferiu quedar no banco, xerando o cabreo monumental de Dalic e a súa posterior expulsión do equipo.