O RC Deportivo anunciou este mércores o acordo ao que chegou coa Major League Soccer (MLS) estadounidense e o centrocampista Carles Gil para o seu traspaso ao fútbol profesional norteamericano.
O club galego explica na súa web que a MLS incorporará por primeira vez a un futbolista seu e considera que é "unha operación positiva" para os seus intereses.
Ademais, o Deportivo resérvase dereitos económicos sobre futuras operacións co xogador valenciano.
O club galego non concreta o destino do futbolista, que será Boston, onde defenderá a camiseta do New England Revolution, segundo fontes próximas á operación, nin tampouco a cifra do traspaso.
Carles Gil xa non participara nos adestramentos desta semana á espera de pechar a súa saída a Estados Unidos.
O valenciano sopesou a súa saída do Deportivo este mes e durante ese tempo de reflexión non entrou nos plans do seu adestrador, Natxo González.