O británico Lewis Hamilton (Mercedes) proclamouse este domingo campión do mundo por quinta vez tras acabar cuarto no Gran Premio de México, decimonovena e antepenúltima proba puntuable e na que se impuxo o holandés Max Verstappen (Red Bull-TAG Heuer).
Para converterse en pentacampeón o inglés necesitaba terminar entre os sete primeiros no Autódromo Hermanos Rodríguez, independentemente do que fixese o seu único rival, Sebastian Vettel (Ferrari), e fíxoo no cuarto lugar, mentres que o alemán acabou segundo.
Hamilton fíxose coa quinta coroa, a falta dos grandes premios de Brasil e Abu Dabi, nunha carreira na que sufriu o indecible cos pneumáticos e na que nunca puido pelexar pola vitoria, pero da que sae de novo campión.
Os españois Carlos Sainz (Renault) e Fernando Alonso (McLaren-Renault) e o mexicano Sergio Pérez (Force India-Mercedes) tiveron que abandonar por problemas mecánicos.
