sábado. 24.08.2019 |
El tiempo
sábado. 24.08.2019
El tiempo

Os aeroportos galegos rexistraron 532.000 pasaxeiros en xullo

Un avión despegando no aeroporto vigués de Peinador. RAFA FARIÑA
Un avión despegando no aeroporto vigués de Peinador. RAFA FARIÑA
Os datos víronse impulsados pola marca de Alvedro

Os tres aeroportos galegos rexistraron un total de 532.754 pasaxeiros ao longo do mes de xullo grazas ao mellor mes da historia de Alvedro, con 130.069 pasaxeiros, 302.704 pasaxeiros en Lavacolla e a pesar da caída do aeroporto de Peinador, en Vigo, con 100.611 pasaxeiros. Segundo datos de Aena, os aeroportos da Coruña e Santiago experimentaron un crecemento do 11,1 e un 13,7% no número de pasaxeiros con respecto ao mesmo mes do ano anterior, respectivamente; Vigo, pola súa banda, caeu un 14,2% en comparación a xullo de 2017.

Dos 302.074 pasaxeiros que pasaron por Lavacolla, 217.000 fixérono en voos nacionais, mentres que 81.701 fixérono en voos internacionais; durante o mes de xullo rexistráronse un total de 2.231 operacións, un 6,7% máis que o ano anterior, con 1.438 voos a outros aeroportos españois e 608 ao estranxeiro.

A terminal compostelá tamén rexistrou bos datos de carga, cun total de 283 toneladas de mercancías trasladadas ao longo do mes de xullo. Mentres tanto, Alvedro sumou 130.069 pasaxeiros -118.758 en traxectos nacionais e 10.301 en internacionais-, repartidos en 1.755 operacións -un 1,3% máis-, 861 nacionais e 80 internacionais, así como un movemento de 12,5 millóns de toneladas.

No mesmo mes, o aeroporto de Peinador, en Vigo, sufriu unha redución do 14,2% no número de pasaxeiros, sumando un total de 100.611; a terminal tamén viu reducidas as súas cifras entre xaneiro e xullo, con 595.917, un 4,1% menos que no mesmo período do ano anterior.

Lavacolla, pola súa banda, rexistrou 1,65 millóns de pasaxeiros durante os sete primeiros meses de 2019 -un 5,6% máis que en 2018-, mentres que Alvedro sumou un total de 777.213, un crecemento do 10,7%.

Os aeroportos galegos rexistraron 532.000 pasaxeiros en xullo
Comentarios