A Xunta de Galicia, o Concello da Coruña e os sindicatos criticaron o plante da empresa Alcoa á mesa de traballo que tivo lugar esta en Madrid —convocada polo Goberno central— con motivo do Ere que expira a finais deste mes. Ademais, estiveron representados membros do Principado de Asturias e do Concello de Avilés co obxectivo de buscar alternativas ao peche das fábricas.
O conselleiro de Industria, Francisco Conde, mostrou a súa "preocupación" pola ausencia da empresa e a falta de propostas "" por parte de Alcoa e o Goberno nunha mesa de traballo sen avances.
Así, Conde avoga manter o plan de acción iniciado por parte das administracións e concellos en defensa dos traballadores, á vez que demanda a Alcoa a retirada do Ere antes de que expire nun prazo de dez días para negociar.
A Xunta reclama ao Goberno que tome "a iniciativa" e achegue "solucións" ao conflito en Alcoa a través dunha proposta de marco enerxético estable cun custo "homologable a cinco anos", así como a implantación de mecanismos de compensación que se empregan noutros países europeos.
Pola súa banda, os sindicatos (UXT e CC OO) cualificaron a actitude de Alcoa de falta "de compromiso de solución", cun "desprezo" ás institucións. Ante esta falta de vontade negociadora, comprometéronse a buscar ferramentas a todos os niveis para que as plantas sigan sendo competitivas.
Pola súa banda o concelleiro de emprego da Coruña, Alberto Lema, declarou que se ha de pensar máis aló sobre as accións que o Goberno central pode adoptar para que se manteña a actividade.
COMPROMISO DO SENADO. O Senado instou este mércores á multinacional do aluminio Alcoa a que retire o expediente de regulación de emprego (Ere) á vez que reafirmou o seu compromiso cos traballadores das plantas da Coruña e Avilés.
Os senadores comprometéronse a involucrar "a todas as administracións para instar a Alcoa a retirar o Ere e abrir unha mesa de negociación con todas as partes para atopar unha solución urxente que garanta o mantemento da actividade empresarial e o emprego".
