A empresa Audasa, concesionaria da AP-9, tivo un resultado positivo de 15,96 millóns de euros durante o primeiro semestre de 2018.
Segundo os datos publicados este martes pola Comisión Nacional do Mercado de Valores, a firma tivo un importe neto da cifra de negocios entre o 1 de xaneiro e o 30 de xuño deste ano de 66 millóns de euros, similar ao do mesmo período de 2017.
O resultado do exercicio, segundo o informe, foi de 15,96 millóns de euros, por baixo dos 19,47 do mesmo semestre do ano anterior.
A empresa pechou xuño cun plantel de 209 persoas, tres menos que en xuño de 2017, tras un descenso de cinco homes ata os 129 e un aumento de dúas mulleres, ata 80.
