domingo. 13.06.2021 |
El tiempo
domingo. 13.06.2021
El tiempo

Endesa presenta unha folla de ruta con investimentos na central das Pontes

Central térmica de Endesa de As Pontes. MARTA MANCEBO
Central térmica de Endesa das Pontes. MARTA MANCEBO

O plan estratéxico da compañía para o período 2018-2021 contempla medidas para rebaixar as emisións

O conselleiro delegado de Endesa, José Bogas, presentou este mércores o plan estratéxico 2018-2021 da compañía no que se aposta por investimentos para o mantemento da central térmica das Pontes.

No seu plan 2018-2021, Endesa xa confirma que non abordará os investimentos necesarios para adaptar as centrais térmicas de Compostilla (León) e Andorra (Teruel) ao cumprimento dos niveis de emisións establecidos pola Unión Europea, pois as condicións regulatorias e de mercado, tanto actuais como previsibles, fanas inviables, polo que pecharán en 2020. Con todo, na súa nova folla de ruta, Endesa si que inclúe os investimentos necesarios para adaptar a central das Pontes a eses límites de emisións, do mesmo xeito que xa se fixo na de Litoral (Almería). 

Todo iso, despois de que a semana pasada o secretario de Estado de Enerxía, José Domínguez, asegurase que a central das Pontes será unha das que seguirá a partir de 2020, pero prevía que non durase máis aló de 2030. Esta semana, a ministra de Transición Ecolóxica, Teresa Ribera, trasladou nunha reunión ao alcalde das Pontes, Valentín González Formoso, a garantía do Goberno sobre a continuidade da central térmica deste municipio. 

A operación de desmantelamento das dúas plantas de León e Teruel que prevé levar a cabo partir do 30 de xuño de 2020 farase "con pleno respecto dos postos de traballo dos empregados de ambas as centrais, o desenvolvemento de importantes investimentos en enerxías renovables e a procura de alternativas para ambos os emprazamentos".

ELEVADO ESFORZO INVESTIDOR. Por outra banda, Bogas destacou "o elevado esforzo investidor" que realizará a compañía neste período, cuns investimentos entre 2018-2021 de 6.400 millóns de euros, o que supón 1.400 millóns máis que o que se contemplaba no plan anterior. 

Desa cantidade total, 2.000 millóns de euros destinaranse a enerxías renovables, "duplicando así o obxectivo do plan anterior e proporcionándonos un claro factor de aceleración no cumprimento dos nosos obxectivos de descarbonización", engadiu o directivo. 

Ademais, o grupo enerxético destinará outros 1.900 millóns á modernización, automatización e dixitalización das redes de distribución.

APOSTA POLAS NUCLEARES. Así mesmo, apostou por manter a operación das centrais nucleares "a longo prazo, en adecuadas condicións de rendibilidade e asegurando sempre que estas instalacións cumpran os máis elevados estándares de seguridade establecidos na regulación nacional e internacional". 

Nunha conferencia con analistas para presentar o plan estratéxico 2018-2021 de Endesa, Bogas volveu defender alargar a vida útil das nucleares máis aló dos 40 anos para garantir a transición enerxética a 2050, xa que "non hai outra alternativa" e garante a seguridade de subministración, un prezo competitivo da electricidade e axuda no cumprimento dos obxectivos de emisións. 

Na súa presentación do plan estratéxico remitida á Comisión Nacional do Mercado de Valores (CNMV), Endesa sinala que prevé un crecemento da demanda de electricidade no sistema peninsular español de máis do 28% desde 2017 a 2030, ata os 325 teravatios hora (TWh), cun incremento da demanda punta desde os 41 gigavatios (GW) ata os 49 GW. 

Neste escenario a 2030, onde considera que a marxe de reserva situarase no 1,1, fronte ao 1,35 de 2017, a enerxética cre que a capacidade instalada das renovables case se triplicará nos próximos 13 anos, desde os 31 GW ata os 86 GW. 

Así, considera que a 2030 deberanse manter no mix español os 7 GW existentes de nuclear, mentres que tamén será necesaria a permanencia da xeración térmica máis aló de 2020; xa que pola contra o sistema requirirá uns 11 GW de nova capacidade de respaldo de 2025 a 2030. 

Endesa presenta unha folla de ruta con investimentos na central das...
comentarios