jueves. 28.10.2021 |
El tiempo
jueves. 28.10.2021
El tiempo

A factura da luz encareceuse máis dun 90% en 15 anos

El precio de la luz alcanzó su máximo anual este miércoles. EP
A factura dun consumidor medio ha pasado de 43,4 euros en 2003 a 83,55 en 2018. EP

Facua denuncia que os consumidores pagan uns 40 euros máis ao mes 

A factura da luz dun usuario medio encareceuse un 92,2% nos últimos 15 anos, representando 40 euros máis, segundo datos de Facua-Consumidores en Acción. 

Segundo unha análise da organización, realizado sobre usuario medio que consome 366 kWh mensuais e ten unha potencia contratada de 4,4 kW, a factura pasou dos 43,47 euros de 2003 a 55,31 euros entre xullo e decembro de 2008, 74,81 euros en agosto e setembro 2013 e 83,55 euros en setembro de 2018. 

Así, no ano 2003, o usuario medio, que tiña contratada a tarifa 2.0, pagaba ao mes 43,47 euros —35,65 euros máis o 21,93% de impostos indirectos vixentes nesa data—. 

Mentres, coas tarifas vixentes entre xullo e decembro de 2008, o usuario medio (que tiña contratada a tarifa 2.0.2) pagaba 55,31 euros mensuais (45,37 euros máis o 21,93% de impostos indirectos). 

Pola súa banda, en agosto e setembro de 2013, un usuario medio coa denominada Tarifa de Último Recurso (TUR) pagaba 74,81 euros ao mes —58,82 euros máis o 27,19% de impostos indirectos vixentes—.

Coas tarifas deste mes de setembro, o usuario medio suxeito ao Prezo Voluntario para o Pequeno Consumidor (PVPC) e un contador aínda non adaptado á telegestión paga 83,55 euros —65,69 máis o 27,19% de impostos vixentes na actualidade—. 

Segundo os datos de Facua, a parte fixa da factura incrementouse en quince anos nun 152,8%. En canto á parte variable do recibo, o prezo do kWh de enerxía consumida encareceuse nun 79,4% desde agosto de 2003. 

Por outra banda, Facua reclama ao Goberno que emprenda medidas "realmente eficaces" para abaratar o recibo e "non volva pór parches similares aos que viron os usuarios lexislatura tras lexislatura". 

Así, sinala como as súas principais reivindicacións a baixada do Iva da luz ao 4% e o establecemento dunha tarifa totalmente regulada á que poidan acollerse a maioría de familias. 

A factura da luz encareceuse máis dun 90% en 15 anos
comentarios