O diferencial medio hipotecario sobe ao 1,576% en xuño tras máis dun ano de descensos

Este xuño foi un mes de cambios, xa que o diferencial medio hipotecario presentou un pequeno repunte, situándose ao 1,576%, de feito en relación ao mes de maio aumentou 0,029%, logo de rexistrar máis dun ano de descensos. Desde abril de 2015 o diferencial medio hipotecario foi acumulando baixadas, chegando a niveis non vistos desde outubro de 2011. No entanto, cabe engadir que en agosto de 2015 houbo unha pequena subida.

A cifra do diferencial do mes de xuño supón unha diminución de 0,324% en relación ao mesmo mes de 2015, segundo comprobou o comparador de hipotecas Bankimia.com.

Tomando como base o mes de xuño de cada ano, cabe destacar que en 2011, 2015 e en 2016 rexistráronse cifras inferiores ao 2%, en 2011 (0,932%), en 2015 (1,90%) e en 2016 (1,576%). En 2013, o diferencial medio foi do 3,087%, en xuño de 2014 do 2,28% e en 2012 foi do 2,128%. Esta é a evolución que trazou desde outubro de 2011, mes a mes.

Máis de 12 entidades rebaixan o interese das súas hipotecas
A finais de 2014 a maioría das entidades bancarias empezaron a minguar o interese das súas hipotecas, esta tónica consolidouse en 2015 e este ano continúa manténdose.

De feito, no que levamos de ano, polo menos 12 entidades (Banco Sabadell, BMN, Caixa Guissona, Cajasur, Catalunya Caixa, Deutsche Bank, Ibercaja, ING DIRECT, Kutxabank, Laboral Kutxa, Liberbank e Triodos Bank) diminuíron os diferenciais das súas hipotecas case nun punto porcentual.

Seguindo a tendencia que se iniciou en xaneiro, no 'top ten' das hipotecas máis baratas do mes de xullo, a maioría dos diferenciais están por baixo do euribor +1,00%. Este descenso vai en consonancia coa evolución do euribor anual, xa que este pasado mes de xuño, o índice pechou o mes ao -0,028%, rexistrando outro mínimo histórico por quinto mes consecutivo.