O número de desempregados rexistrados nos servizos públicos de emprego de España aumentou en outubro en 82.327 persoas, de maneira que o número total de parados situouse en 4.176.369.
En Galicia, o paro aumentou en 6.355 persoas, ata situarse en 222.092, segundo os datos divulgados este martes polo Ministerio de Emprego. Este incremento foi do 2,95 por cento na comunidade, mentres que no conxunto do Estado foi significativamente inferior, do 2,01 por cento.
Iso si, en termos interanuais, a redución do paro en Galicia foi de 21.952 persoas, un 9%, superior porcentualmente á redución da media española, que foi do 7,74 por cento.
En concreto, o número de desempregados en España diminuíu en 350.435 persoas desde outubro de 2014, marcando a maior redución interanual rexistrada nun décimo mes do ano de toda a serie histórica.
En termos desestacionalizados, é dicir, sen ter en conta as diferenzas de calendario dos distintos meses, o número de desempregados baixou en 6.727 persoas en outubro respecto ao mes anterior.
O desemprego só diminuíu na Comunidade Valenciana (6.890 parados menos), en País Vasco (823 menos) e na cidade autónoma de Ceuta (507 menos), en tanto que aumentou nas demais rexións, marcando os maiores incrementos absolutos en Castela-A Mancha (15.843 máis) e Castela e León (11.826 máis).
CONTRATOS. O desemprego dos mozos menores de 25 anos incrementouse en 12.952 persoas en outubro, ata os 69.375. Entre os estranxeiros, o paro aumentou en 20.252 persoas, ata contabilizar 486.630 desempregados foráneos, dos que 170.579 procedían dun país membro da Unión Europea e 316.051, dun extracomunitario.
En canto aos contratos laborais, en outubro asináronse 1.760.610 contratacións, é dicir, 35.132 menos que en setembro e 58.458 máis que no décimo mes de 2014.
En concreto, rexistráronse 151.652 contratos indefinidos ou convertidos en indefinidos (1.276 menos que o mes anterior) e 1.608.958 temporais (33.856 menos que en setembro).
SOBE A AFILIACIÓN. A afiliación á Seguridade Social ha aumentado en outubro en 31.652 persoas respecto ao mes anterior, o que supón unha alza do 0,18 % e sitúa o número total de ocupados en 17.221.467, segundo os datos publicados hoxe polo Ministerio de Emprego e Seguridade Social.
O Ministerio sinala que, en termos interanuais, o número de ocupados creceu o 3,18 % e hai 530.947 afiliados máis, o mellor dato neste mes desde 2006.
O paro aumenta en 82.000 persoas en España e en 6.300 na comunidade
Os galegos sen traballo ascenden a 222.000 e os españois nesta situación elévanse ata os 4,1 millóns ► O aumento na comunidade é do 2,95%, fronte ao 2,01% do conxunto do Estado, aínda que en termos interanuais Galicia rexistra unha redución de parados por encima da media ► O Goberno destaca que o descenso con respecto a hai un ano é o maior rexistrado en outubro en toda a historia
Economía
Nace el Foro Fieito para que Galicia no pierda el tren de la reindustrialización
30/abr./24
