Pelayo Capital investirá 60 millóns de euros en levantar un novo centro comercial na Coruña tras demoler e reconverter as instalacións do antigo Dolce Vita.
O novo centro comercial, que operará co nome de Breogán Park, está previsto que se inaugure en 2021.
Trátase do primeiro proxecto de demolición e reconversión total en España, segundo informou Dokei RE, a empresa encargada da xestión do novo centro comercial.
Breogán Park contará cunha extensión de 45.000 metros cadrados e 550 prazas de aparcadoiro, que se engadirán ás 3.000 subterráneas xa existentes.
O proxecto, que dará servizo aos clientes do novo parque comercial e aos máis de 20.000 traballadores do polígono coruñés da Grela, atópase actualmente en fase de redacción de proxecto e licitación de obra.