miércoles. 11.12.2019 |
El tiempo
miércoles. 11.12.2019
El tiempo

A Xustiza retén os pagos de Leite Pascual a Clea

Nave de Leite Pascual no polígono do Ceao. GSV
Nave de Leite Pascual no polígono do Ceao. GSV
As débedas que mantén cos gandeiros que lle fornecen o leite, orixe do conflito xudicial

Unións Agrarias (UU AA) informou este luns que a Xustiza ordenou reter de forma cautelar os pagos da empresa Leite Pascual a Clea Industrias Lácteas –con sede en Rábade–ata que se aclaren "as débedas que mantén con gandeiros" que son os seus provedores.

O sindicato aclara que o Xulgado de Lugo incluso indica na súa resolución que a "empresa mostra un certo modus operandi nos últimos meses" no que se refire a "non atender os pagos" pendentes aos gandeiros que lle fornecen o leite.

A demanda presentada por Unións Agrarias contra Clea veu propiciada, aclara o sindicato, por " falta de pagamentos a cinco pequenas explotacións", que suman "en total uns 50.000 euros".

Desde a organización agraria solicitóuselle á Consellería do Medio Rural que suspenda calquera tipo de axudas aprobadas para "empresas morosas cos gandeiros, tal e como ocorre no presente caso".

Segundo Unións Agrarias, "a Xunta de Galicia non pode subvencionar con diñeiro público a aquelas empresas que contribúen coas súas prácticas á destrución impune dun sector estratéxico para o medio rural galego como é o lácteo".

Así mesmo, insiste "na necesidade de regular a figura dos primeiros compradores para evitar que os tratantes de leite sigan comercializando de forma totalmente insolvente".

A Xustiza retén os pagos de Leite Pascual a Clea
Comentarios