A ministra de Defensa, Margarita Robles, confirmou nos seus cargos á cúpula militar, encabezada polo xeneral de exército Fernando Alejandro Martínez, como Xefe de Estado Maior da Defensa (JEMAD), e decidiu que Félix Sanz Roldán siga á fronte do Centro Nacional de Intelixencia (CNI).
Segundo un comunicado difundido polo Ministerio de Defensa, a ministra decidiu a continuidade do xeneral Sanz Roldán como director do CNI ata finalizar o seu mandato.
Tamén foron confirmados no seu postos o xeneral de Exército Javier Varela Salas como xefe de Estado Maior do Exército de Terra (JEME), e o almirante xeral Teodoro López Calderón como xefe de Estado Maior da Armada (AJEMA).
Así mesmo, Robles ratificou o xeneral do aire Javier Salto Martínez-Avial como xefe de Estado Maior do Exército do Aire (JEMA) e ao almirante Juan Francisco Martínez Núñez como secretario xeral de Política de Defensa (Segenpol).
No comunicado recóllense declaracións de Robles, que asegura que esta decisión se corresponde coa natureza de Defensa como un Ministerio de Estado e que recorda que "as Forzas Armadas están ao servizo da sociedade e desempeñan unha extraordinaria misión na defensa da paz e a seguridade no mundo".
Por iso, en defensa dos valores recollidos na Constitución e no marco da Carta de Nacións Unidas entende que "é necesario dar á cidadanía estabilidade, seguridade e defensa desde unha perspectiva colectiva e integrada coa fin de promover a paz internacional e a seguridade global".
