Un home de 50 anos matou na mañá deste luns a súa
O crime produciuse na rúa Cebrián, no centro da capital, e no servizo de vixilancia da violencia machista que comparten todos os corpos de seguridade non consta ningunha denuncia desta muller contra o seu presunto asasino, co que conviviu ata o pasado mes de marzo –aínda se descoñece con exactitude se ambos mantiñan algún tipo de relación na actualidade–.
Segundo medios locais, o home entrou no domicilio no que a vítima traballaba como empregada doméstica. Posteriormente, os veciños empezaron a escoitar berros, polo que alertaron á Policía.
Os axentes atoparon xunto aos cadáveres dous coitelos, cos que o home acabaría coa súa vida e a da súa exparella.
VIOLENCIA MACHISTA. Con este asasinato son sete as mulleres mortas este ano por violencia machista en Canarias, ademais dun neno tamén asasinado. Atópase en investigación outro caso, o dunha muller cuxo cadáver foi atopado o pasado 1 de setembro en La Laguna, onde se suicidou a súa exparella, un home con denuncias por malos tratos a outras mulleres.
Canarias convértese na segunda comunidade autónoma onde este ano se produciron máis feminicidios no ámbito da parella, só superada por Andalucía con nove asasinatos machistas.
Este novo crime machista eleva a 45 as mulleres asasinadas polas súas parellas ou exparellas no que vai de ano. Desde 2003, cando empezaron a rexistrarse nas estatísticas, 1.020 mulleres foron asasinadas.
A violencia de xénero deixou 264 orfos desde 2013, 33 neste ano. Outros 30 menores foron asasinados polos seus pais ou as parellas das súas nais.
