Os axentes acharon unha nota manuscrita na vivenda do Porriño escrita polo home que o luns supostamente matou á súa muller de varios disparos e despois quitouse a vida.
Fontes da investigación confirmaron a Efe que a nota apareceu na mesilla de noite da habitación do matrimonio que estaba en trámites de divorcio.
Ademais, as mesmas fontes confirmaron que a muller, María Magdalena M.A., de 47 anos, presentaba dous orificios de bala na cabeza e outro máis nas costas; mentres que el, Tomás R.I. de 56 anos, tiña unha ferida no peito. A parella estaba en trámites de divorciarse e os corpos foron achados por un dos seus fillos.
Este martes ao mediodía celebráronse concentracións institucionais de repulsa polo crime, no Concello do Porriño, nalgunhas localidades galegas, e nas sedes do Goberno galego e do Parlamento autonómico.
