Constante Sánchez e José Manuel González, os dous acusados de acabar coa vida de Pilar Fernández Otero no marco dun roubo na súa vivenda de Lérez, recoñeceron os feitos na Audiencia.
Un e outro mostraron o seu arrepentimento sobre as 14.00 horas deste luns no xuízo que se segue contra eles en Pontevedra. Na súa defensa, aseguraron que cometeron o asalto violento vítimas do estado de ansiedade que lles provocaba a súa adicción ás drogas, e sinalaron que ese día consumiran gran cantidade de heroína e cocaína.
A fiscal do caso, Marta Durántez, rebaixará a súa petición de máis de 28 anos de cárcere para cada un deles ante o arrepentimento de ambos e, se resulta acreditado, tamén pola súa drogadicción. A vista oral, que comezou coa confección do xurado, continúa coas testemuñas.
