As comarcas do Miño en Ourense e Pontevedra estarán este domingo en alerta laranxa, entre as 15.00 e as 21.00 horas, ante a previsión de que se superen os 37 graos, e ata os 39 no caso da zona ourensá. Segundo recolle Meteogalicia, as altas presións e a proximidade de aire cálido procedente do sur deixarán temperaturas elevadas durante a tarde en Galicia.
Deste xeito, tamén estará activa a alerta amarela, por previsión de que se superen os 36 graos, nas comarcas de Valdeorras, no sur e o noroeste de Ourense e o sur da provincia de Lugo.
A alerta amarela, tamén se estende por previsión de máximas superiores aos 34 graos, á costa de Pontevedra e aos municipios do interior da provincia da Coruña.
