O porto Juan Carlos I de Sanxenxo acolle a un novo inquilino. Trátase do iate de Amancio Ortega, un barco de 47 metros de eslora que, ata esta semana, non tiña nome. Situación á que se puxo fin estes días ao debuxarse o nome Valoria B na parte posterior da embarcación.
Con este xesto, o fundador de Inditex rende homenaxe ao pobo natal da súa nai, Valoria la Buena, en Valladolid.
O barco é a segunda adquisición de Amancio Ortega nun ano ao estaleiro holandés Feadship. O verán pasado comprou o Drizzle, de 67 metros de eslora, co que navegou polo Mediterráneo, pero que, polas súas grandes dimensións, non podía atracar en moitos portos deportivos galegos.
