A localidade de Arbo, en Pontevedra, alcanzou este domingo a temperatura máxima de Galicia, con 40,6 graos, seguida de Arnoia, con 40,3, segundo os datos recollidos por Meteogalicia.
ALERTA LARANXA. Nunha xornada na que as comarcas do Miño en Ourense e Pontevedra estaban en alerta laranxa por elevadas temperaturas, Cequeliños, en Arbo, superou os 40 graos, ás 17,10 horas. Remuíño, en Arnoia, alcanzou os 40,3 ás 17,30 horas.
A continuación, situáronse outras tres localidades de Ourense, como son Leiro, con 39,2 graos, a propia capital de provincia con 38,7 graos e o lugar de Prado, en Castrelo de Miño, con 38 graos.
Este domingo tamén estivo activa a alerta amarela, por previsión de máis de 36 graos, nas comarcas de Valdeorras, no sur e o noroeste de Ourense e o sur da provincia de Lugo.
A alerta amarela tamén se estendeu, por previsión de máximas superiores aos 34 graos, á costa de Pontevedra e aos municipios do interior da provincia da Coruña.
