Os bombeiros de Santiago extinguiron esta madrugada un lume que se orixinou nun taller de electricidade situado en Conxo, concretamente, na Rúa Travesa da Fervenza, informou a central que coordina as urxencias en Galicia.
O local no que se produciu o lume ocupaba un baixo común a varias vivendas familiares encostadas que non necesitaron ser evacuadas. Ademais, descartaron danos persoais e de contaminación ambiental.
Sobre as tres da madrugada, o 112 recibiu a chamada dun particular que contou que saía fume dun garaxe e solicitouse a intervención dos bombeiros e de axentes da Policía Nacional e Local.
Arde un taller en Conxo sen deixar feridos
Os bombeiros de Santiago desprazáronse á compostelá rúa Travesa da Fervenza tras declararse o lume de madrugada