Comeza outubro con sol en case toda Galicia, pero con menos calor
01 de octubre de 2018 (02:21 h.)
As temperaturas nas principais cidades oscilarán entre os nove graos de mínima en Lugo e os 28 de máxima en Ourense
Así o recolle a predición de Meteogalicia, que avanza que os ventos serán moderados, con intervalos fortes na Costa da Morte.
En canto ás temperaturas, nas principais cidades galegas as máximas oscilarán entre os 28 graos de Ourense e os 20 da Coruña (en Vigo non se esperan máis de 26 graos, en Pontevedra 25 e en Lugo non superarán os 21). Pola súa banda, as mínimas variarán entre os 9 graos da capital lucense e os 14 da Boa Vila.