Unha muller natural de Vimianzo, de 62 anos, e o seu fillo, de 39, foron asasinados este venres en Venezuela no asalto á súa vivenda.
O marido da falecida e a súa nai, de 92 anos, resultaron ilesos do tiroteo mentres que outra filla do matrimonio, sufriu feridas e atópase hospitalizada.
Por agora descoñécense máis datos do ataque e da actuación policial. Tampouco hai confirmación oficial sobre se os cadáveres serán repatriados.
