Arelas, a asociación de familias de menores trans, realizou este domingo un chamamento á colaboración cidadá para localizar o adolescente de Ourense desaparecido desde o 27 de xullo. Ten 16 anos e, aínda que no seu DNI aparece como Elisabeth B. V., responde o nome de Mark. "As familias de Arelas estamos moi preocupadas e a súa nai Chus está nun sen vivir", afirma a organización na súa publicación en Facebook, na que recorda que o mozo mide 1,70, ten o pelo castaño, rapado por abaixo e unha coletilla, ademais de ollos marróns e un piercing no nariz.
As autoridades investigan a desaparición mentres a asociación SOS Desaparecidos publicou unha alerta nas redes sociais para solicitar datos sobre o seu paradoiro. O colectivo facilita dous números de teléfono para achegar información: 642 650 775 e 649 952 957.