Un transeúnte resultou ferido de consideración tras ser atropelado por un autobús urbano na rúa Urzáiz de Vigo, informaron fontes do 112 Galicia.
O accidente tivo lugar este xoves ás 16:15 horas na confluencia de Urzáiz con Gran Vía e, debido ao golpe, a persoa foi trasladada ao hospital para a súa avaliación.
O condutor do autobús foi o que chamou ao 112 Galicia tras observar que o camiñante presentaba diversas feridas na cara como consecuencia do impacto.