Temperaturas que caerán en picado –ata dez graos– e neve en cotas tan pouco habituais como a ras de mar na costa cantábrica. Estas son só algunhas das consecuencias que se esperan este mércores froito da confluencia da borrasca Emma e a fronte de frío siberiano que está conxelando Europa e que foi bautizado como a besta do Leste.
Por todo iso, Galicia está este mércores baixo varias alertas por nevadas, que afectarán especialmente ás provincias de Lugo e Ourense e ao interior da da Coruña. Espéranse acumulacións de máis de seis centímetros. A alerta será amarela de forma xeneralizada aínda que algunhas zonas, como o centro e o sur de Lugo e o sur de Ourense, o aviso chegará a nivel laranxa.
Precaución nas estradas de Lugo e Ourense: recoméndase coller o coche só se é imprescindible
A principal preocupación está nas estradas. O delegado do Goberno en Galicia, Santiago Villanueva, anunciou este martes que se estableceu unha alerta de circulación por neve para esta tarde nas provincias de Lugo, Ourense e parte da Coruña.
EVITAR O COCHE. Prevese que comece a nevar desde as oito da tarde do martes e que non pare ata as seis ou sete da madrugada do mércores e, por iso, recoméndase utilizar os vehículos só se é necesario, sobre todo en Lugo e Ourense, onde a cota de neve é moi baixa. No caso de que sexa necesario conducir de noite pídese que se extremen todas as precaucións.
Villanueva explicou que se puxo en marcha o plan de vialidade invernal con máis de 91 vehículos quitaneves mobilizados por parte do Estado, más os da Xunta, e que se vai a reforzar o persoal dos axentes operativos para dar servizo en toda a rede viaria
A cota irá subindo o mércores ata os 1.400 metros e da neve pasarase a choivas xeneralizadas
O litoral da Coruña e Lugo está también en alerta amarela por vento e o mércores incluso se elevará a laranxa no noroeste coruñés por ventos de forza oito.
O temporal empézase a notar en Burela (FOTO: FELI GARCÍA)
DA NEVE A CHOIVA. O mércores Galicia estará baixo a influencia da borrasca, polo que se espera un día de ceos cubertos e precipitacións xeneralizadas, más copiosas na provincia de Pontevedra.
Nas primeiras horas da mañá estas precipitacións serán de neve en cotas baixas no norte e leste da comunidade, pero irán subindo desde ata situarse por encima dos 1.400 metros ao mediodía.
As temperaturas non experimentarán grandes cambios e moitas zonas de Galicia rexistrarán mínimas baixo cero. Como sucedeu este martes, cando Sarria amenceu coa temperatura más baixa da provincia ao chegar aos -5 graos. Portomarín, también baixo cero, se quedou nos -4,2. A temperatura mínima de Galicia se registrou en Lalín, onde se alcanzaron os -5,3 graos centígraos.
