O bo tempo segue facéndose de rogar. Ao longo deste xoves unha fronte fría entrará polo oeste en Galicia e deixará choivas en toda a comunidade.
Comezarán pola franxa atlántica, pero iranse estendendo ao resto do territorio co avance do día. E, se se cumpren as previsións de Meteogalicia, o paraugas seguirá sendo necesario tamén este venres, noutra xornada de ceos cubertos con chuvascos que ocasionalmente adquirirán carácter tormentoso.
As temperaturas mínimas quedarán este xoves sen cambios significativos, pero as máximas descenderán lixeiramente, co que os termómetros oscilarán entre os 10 e os 18 graos nas grandes urbes.