A borrasca Miguel irrompeu este xoves con forza no noroeste peninsular, con ondas que superaron os 6-7 metros de altura e refachos de vento tempestuoso de ata 136,4 quilómetros por hora en Galicia, como o que se rexistrou en Carballeda de Valdeorras.
O 112 rexistrou 250 incidencias, ningunha delas de gravidade e houbo dous voos desviados ao aeroporto de Santiago de Compostela desde Vigo.
Tamén podemos ver nesta táboa os rexistros máximos de chuvia das estacións de MeteoGalicia. Os valores máis altos déronse no oeste de #Galicia, sobre todo no oeste e sudoeste da provincia de #ACoruña https://t.co/s3B53X1jfU pic.twitter.com/pzTHhd08gi
— MeteoGalicia (@MeteoGalicia) 6 de xuño de 2019
Galicia, que estaba en alerta laranxa, sufriu refachos de vento de máis de 100 quilómetros por hora en diversos puntos como Cuntis (125), Cedeira (122), Viveiro (132,4) ou Estaca de Bares (108). En Santa Comba produciuse a maior acumulación de choiva, con 75,6 litros por metro cadrado.
INCIDENCIAS. A maioría das incidencias estiveron motivadas pola caída de árbores e ramas, obxectos que se desprazaron á vía e actuacións preventivas dos servizos de emerxencias, segundo informa Emerxencias 112.
Case a metade rexistráronse na provincia de Pontevedra e foi en Vigo, Vilagarcía, Sanxenxo e Cangas onde máis intervencións se produciron.
A provincia da Coruña tamén contabilizou un gran número de incidentes, sobre todo na circulación en Ribeira, Muros e Outes, á parte dalgunha intervención sen maiores consecuencias na costa debido ao vento e a acción do mar, que provocou o envorco e o desamarre dalgunha embarcación en Cangas e Muros.
Neste momento(19:05) a #BorrascaMiguel está xa ó norte de #Galicia e móvese cara ó leste polo #Cantábrico. Nas vindeiras horas teremos chuvascos intermitentes. Aínda hai ventos fortes no litoral das provincias de #Lugo e #ACoruña. Na táboa podemos ver os refachos máximos de vento pic.twitter.com/YDInUMicW3
— MeteoGalicia (@MeteoGalicia) 6 de xuño de 2019