Efectivos da Garda Civil e de Protección Civil buscan un veciño da localidade coruñesa de Camariñas na zona de Malpica, na Coruña, onde apareceu o seu vehículo e varios efectos, de acordo con informacións da axencia Europa Press no seu portal web.
Segundo informaron fontes do Instituto Armado, a denuncia da desaparición deste home de mediana idade foi presentada o pasado mércores pola súa muller.
Nun barranco na zona de Malpica foi achado o seu vehículo, así como roupa e algúns efectos do desaparecido, polo que está a ser buscando por toda a comarca.
A Garda Civil mantén todas as hipóteses abertas e prosegue o rastrexo para tratar de localizar este home con varias patrullas e en colaboración con Protección Civil.
Buscan un veciño de Camariñas tras aparecer o seu coche en Malpica
O vehículo foi achado con roupa e algúns efectos do desaparecido no seu interior. Agora tratan de dar con el por toda a comarca